Жошы хан

Ұлт тарихында орны зор тұлға, қазақ этносының мемлекеттік негізінің қалануына сүрлеу салған Жошы хан туралы деректер өткен тарихымыздың өзегі іспеттес. Осы орайда, Орта ғасыр дәуіріне қатысты оқиғалардың білгір маманы, бүгінгі Қазақ мемлекеттігінің қалыптасуының ежелгі шарт-талаптарын негіздеуші ұлы тұлға Жошы хан жайлы толымды зерттеу жүргізген Д.Рамазанның «Жошы хан» тарихи драмасы өте құнды. Негізгі планға Жошы шығады. Спектакль тікелей қақтығыспен басталады. Бізге Қазақ хандығының негізгі бастау нүктесі қай жақтан басталғанын көрсету керек. Жошының қазақ даласын көргендегі «Не деген жанға жайлы, орманы да, суы да бар, тауы да бар, даласы да бар жер» деген сөзі бар. Сөйтіп, Шыңғыс бөліп берген кезде Ұлытауға келіп, хан көтерілу мәселесі — біз үшін қасиетті тақырып.