Ақыл патшалығы

Бағзы бір заманда құстың тілін білетін патша өмір сүреді. Оның құстарды жақсы көретіні соншалық, айналасында тіршілік барын ұмытады. Алып сарайда іші пысып, жалыққан Ханшайым Сарай әміршісінің өзіне деген махаббатынан құстарға деген сүйіспеншілігінің артып бара жатқандығын қызғанып, Қарғаның ақылымен Патшадан құстың сүйегінен ақшаңқан сарай соғып беруін талап етеді. Патшаның таңдауы қандай болмақ? Сүйген жарының тілегіне құлақ аса ма, әлде қанатты достарына деген адалдығын алға қоя ма? Мейірімділікке, жанашырлыққа, ізгілікке баулыйтын қойылымның кішкентай көрермендерге берер тағылымы мол.