Өмір — Өзен

Туған халқын мөлдір мұңлы, ерекше сазды ғажайып әуенмен тербеген сазгер Шәмші Қалдаяқов есімі баршаға аян. Оның қиялынан туындаған әрбір әуен ақындар шабытымен ұштасып, халқының жүрегінен өшпестей орын алды. Тыңдармандары Шәмші әндерін алғашқы нотасынан-ақ таниды. Шығармашылық иесі үшін өзі жырлағандай мұнан артық «бақыт құшағы» болмаса керек. Қуыршақ театрында алғаш рет әуелейтін сазгер сазы да көрерменге өзгеше әсер сыйлары анық.